Татарстанда юл һәлакәтендә имгәнгән ике кешене хастаханәгә алып киткәннәр
Авария кичә республиканың Лениногорск районында булган.
Скопировать ссылку
(Казан, 1 февраль, «Татар-информ», Полина Шевчук). Татарстанда ике җиңел машина катнашындагы юл-транспорт һәлакәтендә имгәнгән ир-ат белән хатын-кызны хастаханәгә алып киткәннәр. Бу турыда авария шаһитлары хәбәр итә.
Шаһитлар сүзләренчә, һәлакәт кичә Лениногорскидан Куакбаш авылына бара торган юлда булган. Анда ундүртенче модельле «Лада» һәм «Лада Приора» автомобильләре кара-каршы бәрелешкән.
Юл-транспорт һәлакәтендә ундүртенче модельле «Лада» автомобилендәге ир-ат һәм «Лада Приора»да утырган хатын-кыз имгәнгән. Аларны ашыгыч ярдәм машинасында хастаханәгә алып киткәннәр.
