Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда Югары Ослан янында су биеклеге кимегән
Казанда өй янындагы 33 участок су баскан килеш тора.
(Казан, 2 май, “Татар-информ”). Татарстанда Югары Ослан янында су биеклеге 8 сантиметрга кимегән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итте.
Чаллы янында Түбән Кама сусаклагычында су тәүлегенә 14 сантиметрга күтәрелеп, 63,56 метрда тукталган.
Түбән Кама ГЭС түбән өлешендә су 27 сантиметрга күтәрелгән. Бу куркыныч түгел, критик тамгага кадәр 7 метр бар.
Тольяттида Куйбышев сусаклагычында “кызыл” билгегә кадәр 1 метрдан артык бар. Биредә су 6 сантиметрга кимегән һәм 51,01 метр тәшкил иткән.
Чабаксар ГЭС түбән өлешендә су кимүе күзәтелә. Биредә су 55,51 метрда тукталган, бу кичәге белән чагыштырганда, 4 сантиметрга кимрәк.
Казанда өй янындагы 33 участок су баскан килеш тора: шәһәрнең Совет районы Салмачы бистәсендә 27 участок һәм башкаланың Киров районында тагын 6 участок.
Түбән урнашкан 4 күпер су баскан килеш тора, шуларның икесе Буада, берсе Азнакайда һәм тагын берсе Нурлат районында.
Кызыклы яңалыкларны күзәтеп бару өчен Телеграм-каналга язылыгыз