Хәвеф-хәтәр 10 июль 2018 10:14

Татарстанда югалган әбине өеннән 15 чакрым ераклыкта тапканнар

Гадәттән тыш хәлләр министрлыгы, полиция хезмәткәрләре һәм волонтерлар аны бер тәүлектән артык эзләгән.

Скопировать ссылку

(Казан, 10 июль, «Татар-информ»). Татарстанда югалган 90 яшьлек әбине өеннән 15 чакрым ераклыкта табып алганнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсеннән хәбәр иттеләр.

Лаеш районының Никольское авылында яшәүче әби 8 июльдә өеннән чыгып киткән. Шуннан ул әйләнеп кайтмаган.

Гадәттән тыш хәлләр министрлыгы, полиция хезмәткәрләре һәм волонтерлар әбине бер тәүлектән артык эзләгән.

Дүшәмбе кичендә Пиголи бистәсендә яшәүчеләр 112 бердәм номерына әбинең табылуы хакында хәбәр иткән.

Аны өенә алып кайтканнар. «Сәяхәтче» медицина ярдәменнән баш тарткан.

#югалган

Сәхифәләр

Татарстанда югалган әбине өеннән 15 чакрым ераклыкта тапканнар