Татарстанда җылы һава торышы һәм көчле җил көтелә
Скопировать ссылку
Бүген көндез Татарстанда җылы һава торышы саклана, явым-төшем көтелми. Бу хакта республика Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Һава температурасы +14..+19 градус тәшкил итәчәк. Көнбатыштан секундына 10 метр тизлектә искән җил көньяк-көнбатышка күчә, көндез аның тизлеге урыны белән секундына 15-18 метрга кадәр җитәчәк.
КФУ профессоры Юрий Переведенцев элегрәк хәбәр иткәнчә, бу атна ахырында Арктикадан салкын һава агымнары үтеп керү нәтиҗәсендә республикада сизелерлек суытачак – көндез температура +10 градуска кадәр түбәнәергә мөмкин.