Татарстанда җылы һәм җилле һава торышы саклана
Скопировать ссылку
Бүген, 4 апрельдә, Татарстанда җылы, коры һәм җилле һава торышы саклана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республикада алмашынучан болытлы һава торышы булачак. Явым-төшем ихтималы аз, дип искәртә синоптиклар.
Көньяктан секундына 7-12 метр тизлектә җил исә, урыны белән аның тизлеге секундына 15-18 метрга кадәр көчәя, дип кисәтә метеорологлар.
Татарстанда төнлә һава температурасы +2..+7 градус тәшкил итте, көндез исә ул +9..+14 градуска (Казанда +11..+13 градуска) кадәр күтәреләчәк.