Хәвеф-хәтәр 27 март 2023 20:41

Татарстанда язгы ташу вакытында 26 җир кишәрлеген, 2 юлны һәм күперне су баскан

Скопировать ссылку

Татарстанда язгы ташу вакытында 26 йорт яны кишәрлеген, тәбәнәк күперне һәм ике юлны су баскан. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Торак йортлар һәм социаль әһәмияткә ия булган объектлар су басу зонасына эләкмәгән, торак пунктлар белән транспорт элемтәсе бозылмаган, ә җирле коммуналь хезмәтләр суны суырта, дренаж системаларын һәм коллекторларны чистарту буенча инженерлык эшләре алып бара.

Яшел Үзән районының Татар Танае авылында 5 йорт яны кишәрлеге су астында калган. Балтач районында Шушма елгасында су биеклеге кинәт күтәрелү сәбәпле, Балтач бистәсендә 10 җир кишәрлеген су баскан, Борнакта 6 кишәрлек һәм Кариле бистәсендә тагын 5 кишәрлек су астында калган.

Әгерҗе районында Тирсә торак пунктында Чаж елгасындагы күперне су баскан. Суның биеклеге 10 сантиметр тәшкил иткән.

Әлки районының Иске Камка авылында һәм һәм Апасның Чәтбаш бистәсендә юл участокларын су баскан. Бу юллар буенча транспорт хәрәкәтен вакытлыча чикләделәр, чикләү билгеләре һәм койма куелган.

Сәхифәләр

Татарстанда язгы ташу вакытында 26 җир кишәрлеген, 2 юлны һәм күперне су баскан