Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда язгы ташу алдыннан гидротехник корылмаларны тикшерү эшләре башланды
Тикшерелергә тиешле объектлар исемлегендә - республиканың 98 гидротехник корылмасы
(Казан, 19 март, «Татар-информ»). Экологик, технологик һәм атом-төш күзәтчелеге федераль хезмәтенең Идел буе идарәсе, язгы ташкыннарны аварияләрсез үткәреп җибәрү өчен, Россия Гадәттән тыш хәлләр министрлыгының ТР буенча Баш идарәсе белән берлектә, гидротехник корылмаларны тикшерү эшләренә кереште.
Хәзерге вакытта күзәтү ведомствосында гидротехник корылмаларның куркынычсызлык һәм эшкә яраклылык торышын контрольда тоту буенча оператив төркем оештырылды, дип хәбәр итә ведомствоның матбугат хезмәте. Тикшерелергә тиешле объектлар исемлегендә - республиканың 98 гидротехник корылмасы, нигездә, алар авария хәлендә.
Тикшерүләр барышында сулыкларга якын урнашкан магистраль торба үткәргечләр дә тикшереләчәк, чөнки гидротехник корылмаларда авария булган очракта, янгын куркынычы булган матдәләр (нефть, нефть продуктлары) суга яки җиргә эләгергә мөмкин.
Искәртеп узабыз: "Гидротехник корылмаларның куркынычсылыгы турында"гы Федераль закон нигезендә гидротехник корылмаларга плотина, гидроэлектрстанция биналары, су җибәрү корылмалары, су суырту станцияләре һәм башка обектлар керә. Экологик, технологик һәм атом-төш күзәтчелеге федераль хезмәтенең Идел буе идарәсе күзәтүе астында республикадагы 1225 гидротехник корылма бар.
Кызыклы яңалыкларны күзәтеп бару өчен Телеграм-каналга язылыгыз