Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда язгы чәчү үткәрү тактикасын эшлиләр
ТР Авыл хуҗалыгы һәм азык-төлек министрлыгы коллегиясендә әлеге һәм башка мәсьәләләр хакында фикер алышу ниятләнә
(Казан, 9 февраль, «Татар-информ», Ирина Игнатьева). Татарстанда язгы чәчү үткәрү тактикасын эшлиләр. ТР Авыл хуҗалыгы һәм азык-төлек министрлыгы коллегиясендә әлеге һәм башка мәсьәләләр хакында фикер алышу ниятләнә. Ул 18 февраль көнне "Казан ярминкәсе" ААҖ территориясендә узачак. Бу хакта "Татар-информ" агентлыгы хәбәрчесенә аграр ведомствода хәбәр иттеләр.
Коллегия эшендә агросәнәгать комплексы һәм аграр холдинг предприятиеләре җитәкчеләре, әйдәп баручы инвесторлар, муниципаль берәмлек башлыклары, район авыл хуҗалыгы һәм азык-төлек идарәләре башлыклары катнашыр дип көтелә.
Коллегиядә ТР агросәнәгать комплексының 2014 елгы эшенә нәтиҗәләр чыгарылачак. Шулай ук авыл хуҗалыгы производствосының барлык юнәлешләре буенча эшләнгән кризиска каршы чараларны истә тотып, 2015 елга агросәнәгать комплексын үстерү буенча планнар да билгеләнәчәк. Быел аеруча катлаулы булачак язгы кыр эшләре кампаниясен үткәрү турында да сүз булачак, диләр министрлыкта.
Кызыклы яңалыкларны күзәтеп бару өчен Телеграм-каналга язылыгыз