Авыл 24 апрель 2008 17:45

Татарстанда язгы чәчү 654,2 мең гектар мәйданда башкарылган

Бу планлаштырылган күләмнең 42 процентын тәшкил итә

Скопировать ссылку

(Казан, 24 апрель, “Татар-информ”). Бүгенге көндә Татарстанда 654,2 мең гектарда чәчү эшләре башкарылган, бу планлаштырган күләмнең 42 процентын тәшкил итә. Бөртекле сабан культуралары 518,7 мең гектарда чәчелгән, бу планның 53 проценты, дип хәбәр итә ТР Авыл хуҗалыгы һәм азык-төлек министрлыгы матбугат хезмәте.
Арпа – 295,3 мең гектар, бодай – 164,5, борчак – 20,3, солы 32,8 мең гектарда чәчелгән. 2007 елның әлеге датасына чәчү эшләре 36,5 мең гектарда башкарылган булган, бу планлаштырган күләмнең 2 процентын тәшкил иткән.
Рапс 93,6 мең гектар (12 процент), шикәр чөгендере – 64,9 (27 процент), бәрәңге – 14,7 (1 процент), кукуруз – 182,6 мең гектарда (1 процент) чәчелгән.
Чүпрәле (71 процент), Буа (70), Баулы һәм Әлмәт (65), Яңа Чишмә (63), Сарман (62), Зәй (61), Кама Тамагы һәм Актаныш (59), Нурлат, Кайбыч һәм Аксубай районнары (58 процент) игенчеләре барлык мәйданнарның яртысыннан артыгында чәчү эшләрен башкарган.

Сәхифәләр

Татарстанда язгы чәчү 654,2 мең гектар мәйданда башкарылган