news_header_top_970_100
16+
news_header_bot_970_100

Татарстанда ятимнәргә 203 фатир бирелгән

27 фатирны ятимнәргә бирү өчен әзерлиләр, 75 фатир төзелеп бетмәгән йортларда.

(Казан, 25 ноябрь, «Татар-информ»). Татарстанда быел ятимнәргә 305 фатир бирү планлаштырылган, әлегә 203 фатир яллау (найм) килешүе буенча тапшырылган. Татарстан Хөкүмәте йортында киңәшмәдә ТР төзелеш, архитектура һәм Торак-коммуналь хуҗалыгы министры Ирек Фәйзуллин шундый мәгълүмат җиткерде, дип хәбәр итә республика лидеры матбугат хезмәте.

27 фатирны ятимнәргә бирү өчен әзерлиләр, 75 фатир төзелеп бетмәгән йортларда, дип ачыклык кертте министр.

Татарстанда инвестицион торак төзелеше дәвам итә. Планлаштырылган 46 күпфатирлы йортның 41е төзелеп беткән, 5 йорт – уртача әзерлектә.

Фәйзуллин мәгълүматларына караганда, аз катлы төзелеш программасы буенча 8688 йорт торгызылган, планлаштырылган - 8800. Татарстанда торак программасы буенча бер йортны төзеп бетерәсе калган.

autoscroll_news_right_240_400_1
autoscroll_news_right_240_400_2
news_bot_970_100