Татарстанда яшенле яңгыр һәм көчле җил көтелә
Скопировать ссылку
9 августта төнге һәм көндезге сәгатьләрдә яшенле яңгырлар көтелә. ТР Гидрометүзәге мәгълүматлары буенча, кайбер районнарда боз явуы ихтимал.
Җил тизлеге секундына 15-20 метрга җитәргә мөмкин, ә иртән һәм көндез тизлек секундына 24 метрга кадәр көчәячәк.
Татарстан халкына һава торышы начар булганда саклык чараларын үтәргә киңәш итәләр. Автомобильләрне агачлар һәм реклама конструкцияләре астында калдырмау яхшырак, ә яшен вакытында йөрүдән баш тартырга кирәк.
Көчле җил булганда, бинада калырга киңәш ителә.