Татарстанда яшенле яңгыр һәм боз явар дип көтелә
Көньяктан 15-20 м/с тизлектәге җил исәчәк.
Скопировать ссылку
(Казан, 8 июль, “Татар-информ”). 9 июльдә Татарстан территориясендә яшенле яңгыр, урыны белән боз явар дип көтелә. Бу хакта Татарстанның Гидрометеорология һәм әйләнә-тирә мохитне күзәтү идарәсе хәбәр итә.
Республика территориясендә һәм Казанда иртән һәм көндез көньяктан 15-20 м/с тизлектәге көчле җил исәчәк.
Татарстан территориясендә һава торышына циклоннар йогынты ясаячак.