Татарстанда яшь комбайнчылар арасында телевизион бәйге башланды
Яшь комбайнчыларның 2019 елгы уракта эшләве хакында сюжетлар телевидениедә күрсәтеләчәк.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 30 июль, «Татар-информ»). Татарстанда яшь комбайнчылар арасында «Хезмәт кешесен данлыйбыз» дигән 11нче республика телевизион бәйгесе башланды. Бу хакта Татарстан Авыл хуҗалыгы һәм азык-төлек министрлыгының матбугат хезмәте хәбәр итә.
«Акциянең төп бурычы – авылда яшьләр арасында эшче белгечлекләрен популярлаштыру», - диелә хәбәрдә.
Конкурс кысаларында, яшь комбайнчыларның 2019 елгы уракта ничек эшләве хакында сюжетлар телевидениедә күрсәтеләчәк.
Бәйгегә нәтиҗәне республика Уңыш бәйрәме алдыннан ясаячаклар.
- Моңа кадәр «Татар-информ» агентлыгы Татарстанда быелгы урып-җыюда катнашучы комбайнчылар арасында ТР Президенты призына конкурс игълан ителүе хакында хәбәр иткән иде.