Иртәгә, 14 майда, Татарстанда кабат һава шартларының начарлануы көтелә. Бу хакта ТР Гидрометеорология үзәге кисәтә.
Көндезге һәм кичке сәгатьләрдә республика территориясендә урыны белән яшенле яңгыр явачак. Җилнең тизлеге секундына 15-20 метрга кадәр, ә урыны белән 23 метрга кадәр җитәргә мөмкин, дип билгеләп үтә синоптиклар.
Метеорологларның башлангыч мәгълүматлары буенча, Татарстанда киләсе атна җылы, әмма яңгырлы көннәрдән башланачак.