Татарстанда яшен һәм 26 градус эссе көтелә
Скопировать ссылку
Татарстанда бүген болытлы һава торышы, урыны белән кыска вакытлы яңгыр, яшен көтелә. Бу хакта республиканың Гидрометеорология үзәге матбугат хезмәте хәбәр итә.
Көндез термометр баганасы +17..+22 градуска кадәр күтәреләчәк, көнчыгышта +26 градуска кадәр. Җилне көньяк-көнбатыштан, көнбатыштан исәчәк. Аның тизлеге секундына 6-11 метр тәшкил итә, урыны белән секундына 17 метрга җитә.
Искәртик, аномаль эсселек республикага пәнҗешәмбе килде. Синоптиклар әйтүенчә, якын көннәрдә уртача тәүлеклек температурасы нормадан +9..+15 градуска югарырак булачак. КФУ профессоры Юрий Переведенцев хәбәр иткәнчә, мондый һава торышы киләсе атна уртасына кадәр сакланачак.