Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда яшәүчеләр гыйнварда 4,8 процентка арттырылган пенсия алачак
Эшләмәүче пенсионерларның иминият пенсиясе 2023 елның 1 гыйнварыннан 4,8 процентка арттырыла. Билгеләп куелган түләү күләме индексациядән соң 7567 сум була, ә пенсия коэффициенты бәясе – 123,77 сум. Бу хакта Россия Пенсия фондының Татарстан Республикасы буенча бүлегенең матбугат хезмәтендә «Татар-информ»га хәбәр иттеләр.
«Кредит учреждениеләре аша пенсияләрне түләү билгеләнгән график буенча – 2023 елның 12 гыйнварыннан, Россия Почтасы бүлекләре аша – гадәти график буенча башкарылачак. Почта элемтәсе бүлекләре үзләренең эш графигы нигезендә ачыла», – дип белдерделәр фондта.
Матбугат хезмәтендә аңлатуларынча, пенсия күләме һәр кеше өчен индивидуаль рәвештә арта. Мисалга, 2022 елның декабрендә иминият пенсиясен 15 мең сум алучыларга 720 сум өстәләчәк, ә гражданин 10 мең сум алган булса, аның пенсиясе 480 сумга артачак.
Кызыклы яңалыкларны күзәтеп бару өчен Телеграм-каналга язылыгыз