Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда яшь педагоглар өчен яңа грантлар кертелде
Татарстанда көллият һәм техникум, өстәмә белем бирү учреждениеләренең яшь педагоглары һәм балалар бакчалары тәрбиячеләре беренче тапкыр ай саен 10 мең сум күләмендә өстәмә акча ала башлаячак. ТР мәгариф һәм фән министры Илсур Һадиуллин «Татар-информ» агентлыгына шул хакта хәбәр итте, дип яза хәбәрче Надежда Гордеева.
«Педагоглар өчен яңа грантлар мәгариф системасында 1 сентябрьдән Татарстан Рәисе Рөстәм Миңнеханов карары белән барлыкка килде», - дип белдерде мәгариф һәм фән министры.
Аның сүзләренчә, «Безнең яңа профессионал» гранты көллият һәм техникумнарның 100 яшь укытучысы өчен каралган.
«Урта һөнәри белем бирү системасында барлыгы 200 яшь педагог эшли. Аларның яртысы конкурс нигезендә грантлар алачак», - дип искәртте министр.
«Безнең яңа өстәмә белем бирү педагогы» грантына балалар белән түгәрәкләрдә һәм секцияләрдә шөгыльләнүче 80 педагогик хезмәткәр дәгъва итә алачак, дип өстәде ул.
«Республика җитәкчелеге тарафыннан грант ярдәме аша балалар бакчаларында эшләүче 300 тәрбиячегә җитди булышлык күрсәтеләчәк. Без тәрбиячеләр җитмәвен сизәбез, шуңа күрә яшь белгечләр җәлеп итү мөһим. Мондый ярдәм чараларының беркайчан да булганы юк иде», - дип белдерде Һадиуллин.
Кызыклы яңалыкларны күзәтеп бару өчен Телеграм-каналга язылыгыз