Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда яшь әти-әниләр өчен «Социаль няня» пилот проекты эшли башлый
Татарстан Республикасы Министрлар Кабинеты «Коммерцияле булмаган оешмалар тарафыннан «Социаль няня» хезмәте күрсәтү пилот проектын эшләтеп җибәрү» турында карарны раслады. Документ Татарстан Республикасының рәсми хокукый мәгълүмат порталында басылып чыкты.
Проект кечкенә балалары булган яшь гаиләләргә булышу өчен булдырылган. Карар нигезендә, «Социаль няня» социаль хезмәтләр тәкъдим итә торган реестрга кергән, әмма дәүләт бурычын үтәми торган, коммерцияле булмаган оешмалар тарафыннан күрсәтеләчәк.
6 айдан 3 яшькә кадәрге, балалар бакчасына йөрми торган балалар әлеге хезмәттән файдалана ала. Шул ук вакытта, баланың әти-әнисе Татарстанда яшәргә, Россия гражданины булырга һәм 30 яшьтән өлкән булмаска тиеш. Әни кешенең көндезге бүлектә укуы, шулай ук салым бурычлары булмавы өстәмә шарт булып тора.
Гариза биргәннән соң баланың әлеге хезмәткә мохтаҗ булуы турында карарны территориаль социаль яклау органы биш эш көне дәвамында кабул итә. Гариза хуплангач, бер елга социаль хезмәт күрсәтүнең индивидуаль программасы төзелә.
«Социаль няня» гаиләгә атнасына ике мәртәбә көненә дүртәр сәгать ярдәм итә ала. Гаиләдә берничә бала булган очракта, хезмәт берьюлы – бала санына карап, бер яки ике белгеч тарафыннан күрсәтелә.
Проектны республика бюджетыннан финанслыйлар. Проектны тормышка ашыру һәм методик ягы өчен Татарстанның Хезмәт, халыкны эш белән тәэмин итү һәм социаль яклау министрлыгы җаваплы.
Кызыклы яңалыкларны күзәтеп бару өчен Телеграм-каналга язылыгыз