Татарстанда яңгырлар туктый һәм +28 градуска кадәр җылыта
Скопировать ссылку
Бүген, 20 июльдә, Татарстанда температура күтәрелү дәвам итә. Бу хакта ТР Гидрометеорология үзәге хәбәр итә.
Республика территориясендә алмашынучан болытлы һава көтелә. Көндезге сәгатьләрдә явым-төшем көтелми.
Төньяктан исүче җилнең тизлеге секундына 5-10 метр тәшкил итә, урыны белән 13 метрга кадәр көчәя (Казанда түгел).
Шактый җылы төннән соң (+12дән +17 градуска кадәр) көндез Татарстанда һава +23...+28 градуска кадәр җылыначак (ТР башкаласында – +26... +28 градуска кадәр).