news_header_top_970_100
Руc Тат
16+
news_header_bot_970_100
Җәмгыять 3 октябрь 2023 10:59

Татарстанда яңгыр, яшен һәм томан көтелә

Скопировать ссылку

Бүген, 3 октябрьдә, Татарстанда атмосфера фронты йогынтысында дымлы һава торышы сакланачак, температура фоны тагын бераз төшәчәк. Бу хакта Татарстан Гидрометеорология үзәге хәбәр итә.

Республикада күк йөзе аязучан болытлы була. Төбәктә, шул исәптән Казанда да, аз гына, ә урыны белән уртача күләмдә яңгырлар явачак. Кайбер урыннарда яшен булырга мөмкин. Аерым районнарда, шул исәптән Татарстан башкаласында да, төнлә төшкән томан иртәнгә кадәр калган.

Төньяктан 3-8 м/с тизлектәге җил вакыт узу белән юнәлешен төньяк-көнбатышка һәм көнбатышка үзгәртә. Кайвакыт ул 13 м/с кадәр көчәячәк, дип билгеләп үтә синоптиклар.

Тәүлекнең караңгы вакытында республикада һава температурасы +5,2 градустан (4.30 сәгатьтә Чулпан метеостанциясендә) +12,6 градуска кадәр (4.20 сәгатьтә Казан-Опорная метеостанциясендә) тәшкил иткән.

Көннең якты вакытында Татарстанда һава 14-19 градуска кадәр җылыначак (аерым алганда, Казанда +15..+17 градус җылылык көтелә).

Элегрәк «Татар-информ» хәбәр иткәнчә, атна ахырына Татарстанда көндезге температура 10 градуска кадәр төшәчәк. Сизелерлек салкыннарны Арктика һавасы алып килә. Бу хакта Казан федераль университеты профессоры Юрий Переведенцев сөйләде.

autoscroll_news_right_240_400_1
autoscroll_news_right_240_400_2
news_bot_970_100