Татарстанда яңгыр, яшен һәм +24 градуска кадәр җылы көтелә
Бүген, 19 сентябрьдә, Татарстанда тотрыксыз һава торышы көтелә, һава температурасы бераз төшәчәк. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.
Республикада алмашынучан болытлы һава торышы саклана. Иртән явым-төшем ихтималы аз, әмма кайбер урыннарда төнлә төшкән томан кала. Көндез һәм кич төбәктә урыны белән, Казанда да кыска вакытлы яшенле яңгыр көтелә.
Җил көньяк-көнбатыштан исә, аннары юнәлешен төньяк-көнбатышка үзгәртәчәк. Көндез аның тизлеге секундына 4-9 метрдан 6-11 метрга кадәр фаразлана, ә кайбер урыннарда, шул исәптән Татарстан башкаласында 15-18 метрга кадәр көчәергә дә мөмкин.
Республиканың көньягында һәм көнчыгышында салкынча төннәрдән соң, Татарстанда көндез +19..+24 градус, ә Казанда +21..+23 градуска кадәр җылыта.