Татарстанда яңгыр, яшен һәм +19 градуслы һава торышы фаразлана
Шимбә, 27 июньдә, республикада аязучан болытлы һава торышы көтелә. Урыны белән яңгыр яварга мөмкин. Көндез кайбер районнарда яшен фаразлана, дип хәбәр иттеләр ТР Гидрометеорология үзәгендә.
Җил секундына 6-11 метр тизлек белән төньяк-көнбатыштан исәчәк. Көндез урыны белән аның тизлеге секундына 15-17 метрга кадәр җитәргә мөмкин. Төнлә һава температурасы +9..+14 градус булды. Көндез һава +14..+19 градуска кадәр җылыначак.
Казанда аязучан болытлы һава торышы фаразлана. Сизелерлек явым-төшем көтелми. Җил секундына 6-11 метр тизлек белән төньяк-көнбатыштан исә. Урыны белән аның тизлеге секундына 15 метрга кадәр җитәргә мөмкин. Башкалада көндез һаваның максималь температурасы +17..+19 градус булачак.