news_header_top_970_100
16+
news_header_bot_970_100

Татарстанда яңгыр һәм яшен көтелә

Иртәгә, 18 майда, Татарстанда тотрыксыз һәм салкынча һава торышы булачак.

Республикада алмашынучан болытлы һава торышы саклана. Кыска вакытлы яңгыр, төбәкнең көнбатыш районнарында төнлә урыны белән көчле яңгыр көтелә. Көндез кайбер районнарда яшен булуы ихтимал. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Җил көнбатыштан, төньяк-көнбатыштан, уртача тизлектә, көндез урыны белән тизлеге 15-18 метрга кадәр җитәргә мөмкин.

Төнлә һава температурасы +3..+8 градус, Татарстан башкаласында +6..+8 градус фаразлана. Ә көндез +10..+15 градуска кадәр җылытачак, Казанда – +12..+14 градус.

 

autoscroll_news_right_240_400_1
autoscroll_news_right_240_400_2
news_bot_970_100