Татарстанда яңгыр һәм 17 градуслы салкынча һава торышы көтелә
Скопировать ссылку
Бүген, 14 августта, Татарстанда салкынча, болытлы һәм яңгырлы һава торышы көтелә. Бу хакта ТР Гидрометеорология үзәге хәбәр итә.
Республикада болытлы була. Төнлә кайбер районнарда башланган яңгырлар көндез бөтен төбәккә таралачак.
Көнбатыш һәм көньяк-көнбатыштан секундына 6-10 метр тизлектә исүче җил көндез кайбер районнарда (шул исәптән Казанда) секундына 15-17 метрга кадәр көчәячәк.
Салкынча төннән соң (+6 градуска кадәр) көндез Татарстанда һава +12, +17 градуска кадәр генә җылыначак. ТР башкаласында һава температурасы бары тик +12, +14 градус кына булачак.