Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда яңгыр, боз һәм +14 градус җылылык көтелә
Иртәгә, 9 сентябрьдә, Татарстанда салкын һава торышы сакланачак. Бу хакта республиканың Гидрометеорология үзәге хәбәр итә.
Көндез аязучан болытлы һава булачак. Республиканың күпчелек өлешендә атмосфера фронты йогынтысында яңгыр явачак, Казанда явым-төшем күләме аз көтелә.
Моннан тыш, аерым районнарда боз яварга мөмкин. Синоптиклар әйтүенчә, төньяк һәм төньяк-көнбатыштан уртача тизлектәге җил исәчәк.
Төнге сәгатьләрдә Татарстан буенча һава температурасы 3 градустан 8 градуска кадәр җылылык күрсәтәчәк (республика башкаласында – +5.. +7). Тәүлекнең якты вакытында һава +9.. +14 градуска кадәр (Казанда – +10..+12 градуска кадәр) җылыта.
Элегрәк метеоролог Татарстанда ял көннәренә җылытасын фаразлаган иде, бу хакта «Татар-информ» хәбәр итте.
Кызыклы яңалыкларны күзәтеп бару өчен Телеграм-каналга язылыгыз