Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда янгын турында хәбәр итү җайланмасы олы яшьтәге хатынның гомерен саклап калган
Татарстанда олы яшьтәге хатын-кыз, йоклаган чагында янгын турында хәбәр итү җайланмасы тавышын ишетеп, өеннән урамга чыгып өлгергән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Иртән Балтач бистәсенең Камал урамындагы шәхси кирпеч йортта янгын чыккан. Янгынның мәйданы 50 квадрат метр тәшкил иткән.
Йортта янгын турында хәбәр итә торган ике җайланма урнаштырылган булган, янгын чыккач алар сигнал биргән.
Көчле сигнал тавышын ишетеп, өлкән яшьтәге хатын-кыз йокысыннан уянган һәм өйдән чыгып өлгергән.
2018 елда хатын-кызның йортында республика программасы буенча (категория: ялгыз яшәүче өлкән яшьтәге гражданнар) янгын турында хәбәр итә торган ике җайланма урнаштырылган булган. 2023 елда аларның туендыру элементларын яңага алыштырганнар.
Кызыклы яңалыкларны күзәтеп бару өчен Телеграм-каналга язылыгыз