Татарстанда янәдән яңгыр, яшен һәм көчле җил көтелә
Скопировать ссылку
Иртәгә, 27 июньдә, Татарстан территориясендә янәдән һава торышы шартлары начарланачак. Бу хакта ТР Гидрометеорология үзәге хәбәр итә.
Республикада шимбә төнлә һәм көндез урыны белән көчле яңгыр явачак.
Моннан тыш, көндез секундына 15-17 метрга кадәр тизлектәге көчле җил фаразлана. Шулай ук көндез яшен булырга мөмкин.
Элегрәк «Татар-информ» ял көннәрендә чираттагы циклон Татарстанга +14 градуска кадәр салкын һава алып киләчәк, дип хәбәр иткән иде.