Татарстанда янә яшенле яңгыр, көчле җил көтелә
Скопировать ссылку
Иртәгә, 20 сентябрьдә, Татарстанда тагын һава шартларының бозылуы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Төнлә һәм көндез республикада урыны белән яшенле яңгыр яварга мөмкин (Казан территориясендә – төнге сәгатьләрдә генә).
Моннан тыш, төньяк-көнбатыштан искән җилнең тизлеге урыны белән секундына 15 метрга (ТР башкаласында – 13 метрга) кадәр җитәчәк.
Бофорт шкаласы буенча, секундына 10,8-13,8 метр тизлектәге җил – көчле, 13,9-17,1 метр тизлектәгесе бик көчле җил дип атала.