Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда яңа уңышның беренче тонналары тикшерү узды
АПК продукциясенең куркынычсызлыгын һәм сыйфатын бәяләү Федераль үзәгенең Татарстан филиалы белгечләре яңа уңышның беренче партиясен тикшерделәр. Үрнәкне Татарстан Республикасы Чүпрәле муниципаль районыннан китерелгән 94 тонна күләмле партиядән алдылар.
Лабораториядә ашлыкны барлык төп күрсәткечләр буенча тикшерделәр, шул исәптән аксым күләме, дымлылыгы, катнашмалар булу һәм корткычлар белән зарарлану. Экспертиза нәтиҗәләре ашлыкның югары характеристикаларын раслады һәм партиягә рәсми рәвештә өченче класс бирелде.
«Ашлыкның әлеге партиясенең туклыклы һәм технологик кыйммәтен объектив чагылдыра торган күрсәткечләрне билгеләп үтәргә була. Мәсәлән, абсолют коры матдәгә аксымның (протеинның) масса өлеше 16,2 процент тәшкил итте, 3 нче сыйныф өчен норма 12 проценттан да ким түгел», - дип сөйләде «АПК Үзәк комитеты» ФДБУнең Татарстан Республикасындагы филиалы директоры Татьяна Менликиева.
Үзәк белгечләре көн саен муниципаль районнарга турыдан-туры саклау урыннарына, складларга һәм кырларга барып, пробалар алалар һәм аларны оператив рәвештә тикшерүгә җибәрәләр.
Бу сезонда бодайга республикадагы бөртеклеләр уңышының гомуми күләменнән кимендә 2,2 млн тонна тотылырга тиеш. Бу тулаем җыемны үзәкнең җирле филиалында тикшерергә планлаштыралар. Урып-җыю кампаниясе тәмамланганчы, экспертлар партияләр оешкан урыннардан 4,5 мең бодай үрнәге алырга һәм лабораториядә 86 меңнән артык тикшеренү үткәрергә исәп тоталар
Кызыклы яңалыкларны күзәтеп бару өчен Телеграм-каналга язылыгыз