Татарстанда яңа атна салкын һава торышы, яңгырлар һәм яшен белән башлана
Скопировать ссылку
Бүген, 24 июньдә, Татарстанда салкын һәм тотрыксыз һава торышы саклана. Бу хакта ТР Гидрометеоүзәге хәбәр итә.
Республика буенча алмашынучан болытлы һава, көндез урыны белән яңгыр, аерым районнарда яшен булырга мөмкин.
Төньяк-көнбатыштан исүче җилнең тизлеге секундына 6-11 метр тәшкил итәчәк, урыны белән, шул исәптән ТР башкаласында да, җилнең тизлеге 15-18 метрга кадәр көчәячәк.
Салкын төннән соң тәүлекнең якты вакытында һава 17-22 градуска кадәр җылыначак (Казанда +19..+21 градуска кадәр).