Җәмгыять 3 сентябрь 2014 15:03

Татарстанда яман шеш авыруыннан интегүчеләр арткан

Татарстанда 100 мең кешегә 370 авыру туры килә

Скопировать ссылку

(Казан, 3 сентябрь, “Татар-информ”, Лилия Локманова). Татарстанда яман шеш авыруыннан интегүчеләр, тулаем Россия белән чагыштырганда, 2,5 тапкыр күбрәк. Бу хакта бүген “Татмедиа” Республика матбугат һәм массакүләм коммуникацияләр агентлыгында узган матбугат конференциясендә ТР Сәламәтлек саклау министрлыгының баш онкологы Рөстәм Хәсәнов хәбәр итте.

Соңгы 5 ел эчендә Татарстанда яман шештән авручылар саны 12,5 процентка, ә Россиядә исә 5,5 процентка арткан. Рөстәм Хәсәнов моны татарстанлыларның гомер озынлыгы артуга бәйләп аңлатты. “Безнең бурыч яман шешне ачыклау һәм дәвалау. Дөрес, без әле юлның башында гына. Германия кебек илләр белән чагыштырганда, бу авырудан интегүчеләр бездә күпкә азрак. Бездә 100 мең кешегә 370 авыру туры килсә, Германиядә бу сан 600 гә җитә. Шуңа да без үлем очракларын мөмкин кадәр азайтырга тиеш”, - диде ул.

Сәхифәләр

Татарстанда яман шеш авыруыннан интегүчеләр арткан