Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда ял көннәрендә 5 градуска кадәр җылылык, бераз явым-төшем көтелә
Актив атлантик циклоннар йогынтысы аркасында Татарстанда аномаль җылы (нормадан 5-9 градуска югарырак) һәм дымлы һава торышы саклана. Алдагы ялларда һава торышында сизелерлек үзгәрешләр көтелми, диелә ТР Гидрометеорология үзәге фаразында.
Алдагы төндә республикада урыны белән бераз җепшек кар явачак. Көндез дә җепшек кар һәм яңгыр явуы фаразлана, кайбер урыннарда көчле җил көтелә, аның тизлеге секундына 17 метрга кадәр көчәячәк. Тәүлек дәвамында кайбер районнарда томан төшәчәк һәм бозлавык хасил булачак. Төнлә -3..+1 градус, көндез 0.. + 4 градус көтелә.
Шимбә көнне, 29 ноябрьдә, төнлә күпчелек районнарда җепшек кар һәм яңгыр фаразлана. Көндез явым-төшем көтелми. Якшәмбе, 30 ноябрьдә, төбәк антициклонның көнбатыш перифериясендә булачак, ләкин урыны белән явым-төшем көтелә.
Ял көннәрендә һава температурасы төнлә -2 дән +3 градуска кадәр һәм көндез 0 дән +5 градуска кадәр булачак.
Кызыклы яңалыкларны күзәтеп бару өчен Телеграм-каналга язылыгыз