Татарстанда ял көннәрендә +31 градуска кадәр эссе һәм коры һава торышы була
Скопировать ссылку
Шимбә көнне Татарстан территориясендә коры һәм эссе һава торышы көтелә. Алдагы көннәрдә хәл үзгәрмәячәк, дип хәбәр итә республиканың Гидрометеорология үзәге.
Көнчыгыштан, көньяк-көнчыгыштан искән җилнең тизлеге секундына 5-10 метрга кадәр фаразлана.
Термометр баганалары төнге сәгатьләрдә 8-13 градус (көнбатышта 18 градуска кадәр) күрсәтәчәк, ә көндез 26-31 градуска кадәр күтәрелә.
Синоптиклар 20 августка кадәр республикада уртача һава температурасы нормадан 4 градуска артык булаак дип фаразлый.
Метеоролог хәбәр иткәнчә, антициклон киң булганга, якын көннәрдә республикада урман янгыннары куркынычы зур булачак.