Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда ял көннәрендә җылы һава торышы саклана
Иртәгә, 23 октябрьдә, республикада аязучан болытлы һава торышы көтелә, явым-төшем күзәтелми.
(Казан, 22 октябрь, «Татар-информ»). Киләсе ял көннәрендә Татарстанда җылы һава торышы була.
ТР Гидрометеорология үзәге хәбәр иткәнчә, иртәгә, 23 октябрьдә, һава торышы сизелерлек үзгәрмәячәк. Республикада аязучан болытлы һава торышы көтелә, явым-төшем күзәтелми, җил төньяктан исә.
Шул ук вакытта иртән һәм көндез көньяк-көнбатыштан көчле җилнең тизлеге секундына 15-18 метрга кадәр җитәргә мөмкин. Һава температурасы төнлә +5..+10, көндез +9..+14 градус көтелә.
Якшәмбе, 24 октябрьдә, атмосфера фронты төбәккә яңгырлар алып киләчәк. Температура түбәнәя: төнлә +2.. +7 градус, көндез +5..+10 градус була, дип искәртә синоптиклар.
Дүшәмбе көнне, 25 октябрьдә, Татарстан аша «бераз яңгыр һәм җепшек кар явып, салкын атмосфера фронты» узачак. Төнлә -1..+4 градус, көндез +1..+6 градус фаразлана.
Метеорологлар мәгълүматларына караганда, сишәмбе һәм чәршәмбе, 26 һәм 27 октябрьдә, һава торышына республикада антициклон перифериясе йогынты ясаячак. Димәк, явым-төшем көтелми.
26 октябрьдә төнлә һава температурасы -1.. -6 градус, көндез исә 0..+5 градус була. 27 октябрь төнендә -3..+2 градус һәм көндез +2..+7 градус булыр дип көтелә.
Кызыклы яңалыкларны күзәтеп бару өчен Телеграм-каналга язылыгыз