Татарстанда ял көннәрендә аномаль салкыннар булачак
Татарстанда салкынайту дәвам итәчәк - ял көннәрендә уртача тәүлеклек температура нормадан 4-6 градуска түбән була. Бу хакта республика Гидрометеорология үзәгендә хәбәр иттеләр.
Болытлы һәм яңгырлы циклонның көньяк-көнчыгышка таба авышуы белән Татарстанда һава торышына төньяк антициклон күбрәк йогынты ясый башлый. Шулай ук төбәккә салкын арктик һава китерә торган төньяк-көнчыгыш агымнары да суытуга китерә, дип аңлаттылар синоптиклар. Алдагы атна уртасына кадәр Татарстан әлеге антициклон тәэсирендә була. Бу көннәрдә яңгырлар көтелми.
11 октябрьдә һава температурасы төнлә 0..-5 градус фаразлана, ә көндез +2..+7 градустан югары күтәрелмәячәк.
Шимбә һәм якшәмбе төнлә һава температурасы -3..-8 градус була. Шул ук вакытта 13 октябрьдә көньякта һәм көнчыгышта термометр баганалары -10 градуска кадәр төшәргә мөмкин. Шимбә көнне көндез һава температурасы -2..-7 градус, икенче көнне -4..-9 градус көтелә.
Киләсе атна башында төнлә һава температурасы элеккечә бик түбән булачак: -3..-8 градус, ә көньяк һәм көнчыгыш районнарда, түбән урыннарда -10 градуска кадәр. Көндез һава температурасы +6..+12 градус фаразлана.