Икътисад 20 октябрь 2016 16:57

Татарстанда якындагы өч елда булачак уртача хезмәт хакы билгеле булды - саннар

Быелгы уртача күрсәткеч белән чагыштырганда, 2019 елга хезмәт хакы 5 мең сумга күбрәк булыр дип фаразлана.

Скопировать ссылку

(Казан, 20 октябрь, "Татар-информ", Лилия Локманова). 2017 елда Татарстанда бер кешегә булган уртача керем 34 774 сум булыр дип көтелә. 2018 елда бу күрсәткеч 36617 сум, 2019 елда 38484 сум булыр дип фаразлана.

Әлеге мәгълүматлар 2017-2019 елга Татарстан Республикасы бюджеты проектында күрсәтелгән.

Уртача хезмәт хакы алдагы өч елда түбәндәгечә булыр дип планлаштырыла:

2017 елда - 32160 сум,

2018 елда - 33814 сум,

2019 елда - 35471 сум.

Яшәү минимумы түбәндәгечә булыр дип планлаштырыла:

2017 елда - 8495 сум,

2018 елда - 8962 сум,

2019 елда - 9420 сум.

Бүген Татарстан Дәүләт Советында узган Парламент тыңлауларында республиканың икътисад министры Артем Здунов билгеләп үткәнчә, узган ел уртача хезмәт хакы 29147 сум булган. Быел исә татарстанлыларның уртача хезмәт хакы 30659 сум дип билгеләнә.

#уртача хезмәт хакы #яшәү минимумы

Сәхифәләр

Татарстанда якындагы өч елда булачак уртача хезмәт хакы билгеле булды - саннар