Татарстанда Яңа елга кадәр авыл хуҗалыгы ярминкәләре узачак
Бу ярминкәләр шәһәр халкының теләкләрен исәпкә алып уздырыла.
(Казан, 20 декабрь, «Татар-информ»). Татарстанда Яңа елга кадәр авыл хуҗалыгы ярминкәләре узачак. Бу хакта «Татар-информ»га ТР авыл хуҗалыгы һәм азык-төлек министрлыгында хәбәр иттеләр.
Республика авыл хуҗалыгы һәм азык-төлек министрлыгы тарафыннан оештырылган ярминкәләр 21 декабрьдә һәм 28 декабрьдә Казанда, Чаллыда, Яшел Үзәннең Октябрьский һәм Осиново бистәләрендә узачак.
Фермерлар сәүдә мәйданнарына авыл хуҗалыгы һәм азык-төлек сәнәгате продукциясенең киң ассортиментын китерәчәк.
«Бу ярминкәләргә азык-төлек шәһәр халкының теләкләрен исәпкә алып китерелә. Әйтик, яңа ел алды ярминкәләрендә шәһәр халкы бәйрәм табынына күркә, каз һәм үрдәк сатып ала алачак», – дип хәбәр иттеләр профильле министрлык матбугат хезмәтендә.