Татарстанда Яңа ел бәйрәмнәрендә 833 бала туган
Ләйлә Фазлыева фикеренчә, бу - Яңа ел алып килгән иң шәп саннарның берсе.
Скопировать ссылку
(Казан, 9 гыйнвар, “Татар-информ”, Зилә Мөбәрәкшина). Татарстан Республикасында Яңа ел бәйрәмнәрендә 833 бала туган. Бу хакта Хөкүмәт Йортында узган брифингта Татарстан Республикасы Премьер-министры урынбасары Ләйлә Фазлыева хәбәр итте.
“Яңа ел ялларында республикабызда 833 бала туды. Бу – искиткеч Яңа ел атнасы, Яңа ел алып килгән иң шәп саннарның берсе” – диде ул.
Ләйлә Фазлыева беренче гыйнвардан алып сигезенче гыйнвар аралыгында Татарстанда 27 меңнән артык ашыгыч ярдәм күрсәтү очраклары теркәлгәнен дә әйтте.