Җәмгыять 6 сентябрь 2014 20:58

Татарстанда йөк автомобильләрендә тахографлар булмаган өчен санкция куллана башладылар

Санкцияләр 12 тоннадан авыррак йөк машиналарына кагыла

Скопировать ссылку

(Казан, 6 сентябрь, «Татар-информ»). 2014 елның 1 сентябреннән куркыныч булмаган йөк ташуда кулланыла торган 3 нче категория (гомум авырлыгы 12 тоннадан башланган) транспорт чараларының тахографлары булмаган өчен санкция куллана башладылар.
Россия Федерациясе Кодексының 11.23 маддәсе (“Машина йөртүчеләрнең административ хокук бозулар турындагы”) буенча тахограф белән җиһазланган булырга тиешле транспорт чаралары белән идарә итүчеләргә, тахограф булмаган яки эшләмәгән очракта, 1-3 мең сум күләмендә административ штраф салына. Вазифаи затлар өчен штраф күләме – 5-10 мең сум. Агымдагы елның 8 аенда шундый 157 хокук бозу очрагы ачыкланган, дип хәбәр ителә ТР буенча Эчке эшләр министрлыгы сайтында.

Сәхифәләр

Татарстанда йөк автомобильләрендә тахографлар булмаган өчен санкция куллана башладылар