Татарстанда видеоуеннар мәктәбе ачарга һәм киберспорт командалары җыярга планлаштыралар
Татарстанда Иннополис университеты базасында видеоуеннар мәктәбе булдыру һәм киберспорт командалары оештыру проекты карала. Бу хакта «Татар-информ»га ТР яшьләр эшләре министры Азат Кадыйров сөйләде.
«Без индек күптән Иннополис университеты базасында «Беренчеләр хәрәкәте» белән берлектә видеоуеннар мәктәбен булдыру турында уйлыйбыз. Әлегә бу процесс дәвам итә. Без, беренче чиратта, уен белән чын тормышны бутамаска өйрәтәчәкбез. Уеннан чынбарлыкка зыянсыз гына кире кайтырга һәм анда күпме вакыт үткәрүеңне контрольдә тотарга өйрәнү бик мөһим», – диде агентлык әңгәмәдәше.
Видеоуеннар – ул начар әйбер, аларны уйнаудан туктарга кирәк, дию дөрес түгел. Яшьләргә бары тик моның башка шөгыльләр белән чиратлаштырып була торган ял итү вариантларының берсе икәнен аңлату мөһим, дип өстәде министр.