Хәвеф-хәтәр 6 ноябрь 2017 20:53

Татарстанда вертолет һәлакәткә юлыгу факты буенча җинаять эше кузгатылган

Вертолет Казаннан Самара өлкәсенә юл тоткан булган.

Скопировать ссылку

(Казань, 6 ноябрь, “Татар-информ”). Татарстанда Bell-407 вертолеты һәлакәте буенча җинаять эше кузгатылган. Бу хакта Россия Тикшерү комитетыннан җиткерделәр.

Ачыкланганча, җинаять эше кузгату турында карарны Россия Тикшерү комитетының Идел буе транспортта тикшерү идарәсе кабул иткән. Сүз Россия Җинаять Кодексының 263нче маддәсе 2нче бүлегендәге һава транспортын куллануда һәм хәрәкәттә куркынычсызлык кагыйдәләре бозылып, саксызлык аркасында кеше үлеменә китерү турында бара.

Искәртеп үтик, вертолет иртән Казаннан Самара өлкәсенә юл тоткан. Әмма ул тиешле урынга барып җитә алмый, “Кызыл сабанчы” бакчачылык ширкәте янында һәлакәткә юлыга.

Һәлакәт аркасында 43 яшьлек пилотның гомере өзелә.

#һәлакәт #вертолет төшкән

Сәхифәләр

Татарстанда вертолет һәлакәткә юлыгу факты буенча җинаять эше кузгатылган