Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда вакцинация узмаган 30 укытучы прививка ясатып, кире эшкә кайткан
Мәгариф өлкәсе хезмәткәрләренең 95 проценты коронавирустан вакцинацияләнгән.
(Казан, 22 декабрь, «Татар-информ», Гөлнар Гарифуллина). Татарстанда коронавирустан вакцинация узмаган 30 укытучы прививка ясатып, кире эшкә кайткан.
Татарстанның мәгариф һәм фән министры Илсур Һадиуллин бу хакта журналистлар белән очрашуда әйтте.
«Вакцинация узмаган 30 укытучы эштән читләштерелгән иде. Аларга прививка ясатырга мөмкинлек бирделәр, вакцинация узуга, кире эшкә кайттылар», — диде.
Министр әйтүенчә, Татарстанда мәгариф өлкәсе хезмәткәрләренең 95 проценты коронавирустан вакцинацияләнгән. Хезмәткәрләр 100 процент вакцинацияләнгән белем бирү учреждениеләре дә бар.
Илсур Һадиуллин прививка ясатырга ярамаган һәм шул хакта табиб белешмәсе булган хезмәткәрләр булганын да әйтте.
Министр сүзләренчә, 12-17 яшьтәге мәктәп укучыларын коронавирустан вакцинацияләү белән бәйле норматив документлар әлегә министрлыкка килмәгән. «Әгәр мондый боерыклар чыкса, Россия Мәгариф министрлыгы, республика оператив штабыннан норматив документлар килсә, үтәрбез. Безнең яктан кыенлыклар булыр дип уйламыйм», — дип белдерде.
Кызыклы яңалыкларны күзәтеп бару өчен Телеграм-каналга язылыгыз