Фән һәм мәгариф 23 сентябрь 2014 15:01

Татарстанда В.Е.Алемасов исемендәге Дәүләт премиясе гамәлгә куелды

Премия яшь галимнәргә инженерия фәннәре өлкәсендә фәнни казанышлары өчен биреләчәк

Скопировать ссылку

(Казан, 23 сентябрь, «Татар-информ»). Кичә Татарстан Президенты Рөстәм Миңнеханов В.Е.Алемасов исемендәге ТР Дәүләт премиясен гамәлгә кую турындагы указны имзалады.

Республика башлыгы сайтында дөнья күргән документтаәйтелгәнчә, яшь галимнәрнең инженерия фәннәре өлкәсендә фәнни, фәнни-техник һәм инновацион эшчәнлекләрен стимуллаштыру һәм ТР Фәннәр академиясенең шәрәфле әгъзасы, ике тапкыр СССР Дәүләт премиясе лауреаты Вячеслав Алемасов истәгелеген мәңгеләштерү максатыннан, гамәлгә куела.

2015 елдан алып ТР Министрлар Кабинетына ТР Фәннәр академиясенә ТР бюджетыннан Указны гамәлгә кую белән бәйле чыгымнарны финанслау өчен ТР бюджетыннан акча бүлеп бирүне тәэмин итәргә туры килә, диелгән әлеге указда.

В.Е.Алемасов исемендәге ТР Дәүләт премиясе турындагы нигезләмәдә ул яшь галимнәргә инженерия фәннәре өлкәсендә танылган фәнни казанышлар һәм фән, сәнәгать өстенлекле тармаклары үсешенә өлеш керткән өчен биреләчәге күрсәтелгән.

Ел саен 1 июльдә В.Е.Алемасов исемендәге өч премия биреләчәк: һәрберсе – 75 әр мең сум.

Премиягә Татарстан территориясендә фәнни оешмаларда, сәнәгать предприятиеләрендә яки мәгариф оешмаларында фәнни тикшеренүләр алып бара торган 35 яшькәчә затлар дәгъва итә ала.

Указ исә имзаланган көннән алып үз көченә керә.

Сәхифәләр

Татарстанда В.Е.Алемасов исемендәге Дәүләт премиясе гамәлгә куелды