Татарстанда узачак «Лига форум»га БРИКС илләре студентларын чакырачаклар
Скопировать ссылку
Быел «Лига форум» студентлар форумы халыкара статуста узачак. Форумга Ислам хезмәттәшлеге оешмасы, Шанхай хезмәттәшлек оешмасы һәм БРИКС илләреннән катнашучыларны чакырырга планлаштыралар. Бу хакта «Татар-информ»га ТР «Студентлар лигасы» президенты Шамил Якупов хәбәр итте.
«Лига форум» 1 августтан 20 августка кадәр узачак. Без аны халыкара форматта оештырырга – Ислам хезмәттәшлеге оешмасы, Шанхай хезмәттәшлек оешмасы һәм БРИКС илләре студентларын чакырырга планлаштырабыз. Бу идея хупланды», - дип белдерде агентлык әңгәмәдәше.
Аның сүзләренчә, «Лига форум» Татарстан тарихындагы беренче халыкара студентлар форумы булачак.