Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда уртача хезмәт хакы 46 мең сумнан артып китә
2022 елның гыйнвар-февраль нәтиҗәләре буенча Татарстанда айлык уртача хезмәт хакы 46169,5 сум тәшкил иткән. ТР хезмәт, халыкны эш белән тәэмин итү һәм социаль яклау министры Эльмира Зарипова кичә Хөкүмәт йортында узган киңәшмәдә шулай дип белдерде.
Ул билгеләп үткәнчә, кунакханә бизнесы һәм җәмәгать туклануы өлкәсендә уртача эш хакы – 30582, авыл хуҗалыгында 31367 сумга тигез.
Финанс эшчәнлеге (69945 сум) һәм файдалы казылмалар табу (70179 сум) өлкәләрендә аеруча яхшы түлиләр.
847 предприятиедә эш хакы хезмәткә түләүнең минималь күләменнән (2022 елның 1 гыйнварыннан ул 13 890 сум тәшкил итә) түбәнрәк. Мондый предприятиеләр Алабуга, Мөслим, Тукай һәм Ютазы районнарында урнашкан.
Гыйнвар нәтиҗәләре буенча Татарстанда уртача хезмәт хакы 46,3 мең сум тәшкил иткән. Шул рәвешле, күрсәткеч бераз кимегән.
Узган атнада РФ Президенты Владимир Путин социаль түләүләр, пенсияләр һәм бюджет хезмәткәрләренең эш хакын индексацияләү карары кабул ителүе турында хәбәр итте.
Кызыклы яңалыкларны күзәтеп бару өчен Телеграм-каналга язылыгыз