Татарстанда урманчылар утырган машина әйләнеп капланган, биш кеше зыян күргән
Мамадыш районында трассада «УАЗ» йөртүчесе идарәне югалткан һәм юл читенә төшеп киткән.
Скопировать ссылку
(Казан, 9 октябрь, «Татар-информ»). Мамадыш районында трассада урман хуҗалыгы эшчеләре утырган машина әйләнеп капланган, биш кеше зыян күргән. Бу хакта «Татар-информ»га авария шаһитлары хәбәр итте.
Юл-транспорт фаҗигасе М7 трассасында булган. «УАЗ» йөртүчесе идарәне югалткан һәм юл читенә төшеп киткән.
Шаһитлар әйтүенчә, машинада җиде кеше булган, бишесе имгәнгән. «Ашыгыч ярдәм машинасы, зыян күргән кешеләрнең кайберләрен хастаханәгә алып китте», — дип сөйләде шаһитлар.
