Татарстанда урман янгыннары чыгу ихтималы зур - Федераль урман хуҗалыгы агентлыгы
Урман янгыннарын сүндерү хезмәте югары дәрәҗәдә әзерлек режимына күчерелгән.
Скопировать ссылку
(Казан, 30 март, “Татар-информ”). Июньнән августка кадәр Татарстанда урман янгыннары чыгу ихтималы зур. Янгын куркынычы фаразларын “Авиалесохрана” федераль бюджет учреждениесе әзерләгән. Документ белән Федераль урман хуҗалыгы агентлыгының рәсми сайтында танышырга мөмкин.
Урман янгыннары кешеләрнең янгын куркынычсызлыгы кагыйдәләрен бозу нәтиҗәсендә килеп чыга. Җәй көне янгын яшеннән дә чыгарга мөмкин, ә көзге һәм язгы чорда кеше факторы сәбәп була.
Хәзергә урман янгыннарын сүндерү хезмәте югары дәрәҗәдә әзерлек режимына күчерелгән.