Авыл 2 март 2017 09:07

Татарстанда умартачылар белемнәрен арттыра

Укулар бер атна дәвам итәчәк.

Скопировать ссылку

(Казан, 2 март, "Татар-информ"). Татарстанда умартачыларның квалификациясен күтәрү курслары уза. Укулар "Татарстанның агробизнес кадрларын яңадан әзерләү институты” өстәмә һөнәри белем бирү оешмасы базасында оештырыла. Бу хакта Татарстан Республикасы авыл хуҗалыгы һәм азык-төлек министрлыгының матбугат хезмәте җиткерде.

Курслар “Умартачылыкны үстерүнең нәтиҗәлелеген арттыру” программасы буенча үткәрелә. Уку барышында умартачылыкны дөрес оештыру, умарта күчләре биологиясе, умартачылыкны алып бару технологияләре, бал кортларын диагностикалау мәсьәләләре каралачак, диелә идарә тармагының хәбәрендә. Курсларга килүчеләр алдында Умартачылык идарәсе, Татарстан Республикасы Икътисад министрлыгы, Татарстанның Республика ветеринария лабораториясе, республиканың башка идарә тармагы һәм оешма белгечләре чыгыш ясый.

Укулар 7 мартка кадәр дәвам итә.

#Умартачы #укулар

Сәхифәләр

Татарстанда умартачылар белемнәрен арттыра