Хәвеф-хәтәр 29 сентябрь 2021 17:41

Татарстанда улы батып үлгән хатын-кызга суд булачак

Тикшерү комитеты «саксызлык аркасында үлемгә китерү» маддәсе буенча җинаять эше кузгаткан.

Скопировать ссылку

(Казан, 29 сентябрь, «Татар-информ», Павел Климчак). 27 июньдә Әлмәттә яшәүче 32 яшьлек хатын-кыз исерек килеш 7 яшьлек улы белән Березовка авылы янында җиһазланмаган комлыкка су коенырга барган. Бала йөзә белмәгән, әмма хатын-кыз аны озак вакытка үзен генә калдырган. Малай тирәнгәрәк кергән һәм батып үлгән.

Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр иткәнчә Тикшерү комитеты «саксызлык аркасында үлемгә китерү» маддәсе буенча җинаять эше кузгаткан. Хатын-кыз гаебен таныган. Җинаять эшен Әлмәт шәһәре судына җибәргәннәр.

Сәхифәләр

Татарстанда улы батып үлгән хатын-кызга суд булачак