Фән һәм мәгариф 1 март 2010 15:44

Татарстанда ТРда Укытучы елын иң яхшы яктыртучы журналистлар конкурсы игълан ителде

Конкурста җиңүчеләрне Татарстан Республикасында Укытучы елы тәмамланганда бүләкләү көтелә

Скопировать ссылку

(Казан, 1 март, «Татар-информ»). Татарстанда ТРда Укытучы елын иң яхшы яктыртучы журналистлар арасында “XXI гасыр укытучысы” конкурсы игълан ителде.
Бу чараны ТР Мәгариф һәм фән министрлыгы белән Татарстан журналистлар берлеге, Матбугат һәм массакүләм коммуникацияләр буенча республика агентлыгы оештыра.
Конкурста 2010 елның 1 гыйнварыннан башлап 26 ноябргә кадәр басылган һәм эфирга чыгарылган материаллары белән гаммәви мәгълүмат чаралары редакцияләре, журналистлар һәм хәбәрчеләр катнаша ала, дип хәбәр итә ТР Мәгариф һәм фән министрлыгының матбугат хезмәте.
Конкурс “Иң яхшы мәкалә”, “Иң яхшы телепрограмма/ телетапшыру/ телесюжет”, “Иң яхшы радиопрограмма/радиотапшыру”. “Иң яхшы материаллар сериясе”, “Иң яхшы фотокадр/фотосюжет/фоторепортаж” һәм “Татарстан Республикасында Укытучы елын иң яхшы яктыртучы” номинацияләрендә уза.
Конкурска 2010 елның декабр ае дәвамында йомгак ясалачак. Конкурста җиңүчеләрне Татарстан Республикасында Укытучы елы тәмамланганда бүләкләү көтелә.
Конкурсны оештыру комитетының адресы һәм телефоннары 420111, Казан, Кремль урамы, 9. Тел.: (843) 292-44-39, факс: 293-61-07, e-mail: monrt@yandex.ru, Aida.Husainova@tatar.ru.

Сәхифәләр

Татарстанда ТРда Укытучы елын иң яхшы яктыртучы журналистлар конкурсы игълан ителде